Azərbaycan, Bakı, 20 oktyabr / Trend , müxbir S.Kazımlı / Azərbaycanın Sumqayıt şəhərində yerləşən məscidin həyətindəki evdə baş verən partlayış nəticəsində məscidin axundu və ailə üzvləri xəsarət alıblar.
Trend -un məlumatına görə, Daxili İşlər Nazirliyinin mətbuat xidmətinin bazar ertəsi yaydığı məlumatda bildirilib ki, oktyabrın 17-də saat 08.00 radələrində Sumqayıt şəhərindəki Asfalt Zavodunun ərazisindəki Cümə Məscidinin həyətində, orada tikilmiş 2 otaqlı evin mətbəxində təbii qazın sızmasından yanğına keçən partlayış baş verib. Nəticədə evin qapı və pəncərələri sınıb, 10 kvadratmetr sahədə mətbəxin yanar konstruksiyaları və oradakı əşyalar yanıb, məscidin axundu, Türkiyə vətəndaşları Lütfü Yıldırım, arvadı Nurtən, oğlu Yıldırım yanıq xəsarətləri ilə xəstəxanaya yerləşdirilib. Faktla bağlı araşdırma aparılır.
Məqalə müəllifi ilə əlaqə ünvanı:[email protected]