Azərbaycan, Bakı, 14 fevral / Trend , müxbir S.Ağayeva / Xocalı soyqırımı 16-cı ildönümündə Türkiyə Parlamentində bir daha müzakirə olunacaq. Bu barədə cümə axşamı Azərbaycanın Türkiyədəki səfiri Zakir Həşimov Ankaradan telefonla bildirib.
Fevralın 26-dan 27-nə keçən gecə Ermənistanın Silahlı Qüvvələri tərəfindən Azərbaycanın Xocalı şəhərində dinc əhaliyə qarşı soyqırım həyata keçirilib, nəticədə 613 vətəndaş amansızcasına öldürülüb.
2007-ci ildə Türkiyə Parlamentində Xocalı faciəsi ilə bağlı qanun layihəsi hazırlanıb. Bu qanun layihəsində Xocalının dinc əhalisinin xüsusi vəhşiliklə qətlə yetirilməsi soyqırım adlandırılıb.
Faciənin 16-cı ildönümündə Türkiyə Parlamentində bu faciəyə həsr olunmuş sərginin keçirilməsi, o cümlədən sənədli film nümayişi planlaşdırılır.