Azərbaycan, Gəncə , 15 oktyabr / Trend , müxbir V. Məmmədov/ Beynəlxalq müşahidəçilər Gəncədə (paytaxt Bakıdan 365 kilometr qərbdə) seçici fəallığının yüksək olduğunu bildiriblər.
Seçkiləri Müşahidə üzrə Beynəlxalq İşçi Qrupun Gəncədəki missiyasının sədri Yakob Kuitvard junalistlərə seçki ilə bağlı ciddi qayda pozuntusuna rast gəlinmədiyini bildirib. O, bir neçə məntəqədə müşahidə apardığını deyib.
"Yalnız seçicilərin öz adlarını siyahıda tapa bilməməsi faktı ilə üzləşdik. Bundan başqa heç bir neqativ hala rast gəlinmədi", - deyən beynəlxalq müşahidəçi seçkilərdə seçici fəallığının yüksək olduğunu qeyd edib.
Dairə Seçki komissiyalarından verilən məlmuata görə, Gəncədə 400-ə yaxın xarici müşahidəçi qeydiyyatdan keçib ki, onlardan da 56-sı ATƏT-in xətti ilə müşahidə aparır. 1319 nəfər isə yerli müşahidəçidir. Onlardan 610 nəfəri siyasi partiyaların nümayəndələri, 424-nəfəri QHT təmsilçiləridir. 285 nəfər isə öz təşəbbüsü ilə seçkiləri izləyir.
Prezident seçkisində yeddi namizəd - Yeni Azərbaycan Partiyasının (YAP) sədri, indiki dövlət rəhbəri İlham Əliyev, müxalif Ümid Pariyasının sədri İqbal Ağazadə, Böyük Quruluş Partiyasının sədri Fazil Qəzənfəroğlu, Bütöv Azərbaycan Xalq Cəbhəsi Partiyasının sədri Qüdrət Həsənquliyev, Müasir Müsavat Partiyasının sədri Hafiz Hacıyev, Azərbaycan Liberal Demokrat Partiyasının sədri Fuad Əliyev və müstəqil namizəd Qulamhüseyn Əlibəyli iştirak edir.
Məqalə müəllifi ilə əlaqə ünvanı: [email protected]