...

Azərbaycan Prezidenti Fransa Konstitusiya Şurasının qərarını söz və fikir azadlığının təzahürü kimi dəyərləndirir

Siyasət Materials 29 Fevral 2012 12:27 (UTC +04:00)
Məlum olduğu kimi, fevralın 28-də Fransa Konstitusiya Şurası qondarma "erməni soyqırımı"nı inkar edənlərin cinayət məsuliyyətinə cəlb olunmasını nəzərdə tutan qanunu ləğv edib.
Azərbaycan Prezidenti Fransa Konstitusiya Şurasının qərarını söz və fikir azadlığının təzahürü kimi dəyərləndirir

Azərbaycan, Bakı, 29 fevral /Trend/

Məlum olduğu kimi, fevralın 28-də Fransa Konstitusiya Şurası qondarma "erməni soyqırımı"nı inkar edənlərin cinayət məsuliyyətinə cəlb olunmasını nəzərdə tutan qanunu ləğv edib.

Trend-in Azərbaycan Prezidentinin rəsmi saytına istinadən verdiyi məlumata görə, bununla bağlı bildirilir ki, Azərbaycan Respublikasının Prezidenti Fransa Konstitusiya Şurasının bu ədalətli qərarını alqışlayır, bunu söz və fikir azadlığının təzahürü kimi dəyərləndirir.

Eyni zamanda, dövlətimizin başçısı Fransa Senatının bir qrup üzvünün qondarma "erməni soyqırımı"nı inkar edənlərin cinayət məsuliyyətinə cəlb olunmasını nəzərdə tutan qanunun ləğv edilməsi ilə bağlı Fransa Konstitusiya Şurasına və Fransa ictimaiyyətinə ünvanladığı müraciəti yüksək qiymətləndirir və Fransada bu qəti mövqedə duran bütün insanlara minnətdarlığını bildirir.

Qeyd etmək lazımdır ki, Fransa Konstitusiya Şurasının bu addımı dünya ermənililiyinin riyakarlığının qarşısına çəkilmiş bir səddir və dünya erməni lobbisinin mənfur fəaliyyətinin iflasa uğramasının növbəti nümunəsidir.

Xəbər lenti

Xəbər lenti