...

Azərbaycan qanunvericiliyi demokratik seçkilərin keçirilməsi üçün lazımi şəraiti təmin edir - Andrey Yatskin

Siyasət Materials 2 Sentyabr 2024 10:53 (UTC +04:00)
Azərbaycan qanunvericiliyi demokratik seçkilərin keçirilməsi üçün lazımi şəraiti təmin edir - Andrey Yatskin
Kamran Qasımov
Kamran Qasımov
Bütün xəbərlər

Bakı. Trend:

Azərbaycan Respublikasının seçki qanunvericiliyi seçkilərinin demokratik şəraitdə keçirilməsi üçün zəruri şərtləri təmin edir.

Trend xəbər verir ki, bu barədə MDB PA-nın Monitorinq Qrupunun Koordinatoru Andrey Yatskin brifinqdə bildirib.

Onun sözlərinə görə, missiyanın üzvləri 145 seçki məntəqəsində səsvermə prosesini müşahidə ediblər.

"Seçki məntəqələri müəyyən olunmuş vaxtda açılıb və seçicinin aktiv seçki hüququnu həyata keçirmək üçün lazım olan bütün sənədlərlə təmin olunub. MDB PA-nın müşahidəçi qrupunun apardığı monitorinqin nəticələrinə əsaslanaraq, Azərbaycan Respublikasının seçki qanunvericiliyi seçkilərinin demokratik şəraitdə keçirilməsi üçün lazımi şəraiti təmin edir", - o əlavə edib.

Qeyd edək ki, sentyabrın 1-də Azərbaycanda növbədənkənar parlament seçkiləri keçirilib. İlkin nəticələrə görə, seçkilərdə seçici fəallığı 37,27 faiz təşkil edib. Seçkilərdə səs verən seçicilərin sayı 2 196 771 nəfər olub. 5895 seçki məntəqəsi protokollarını MSK-ya təqdim edib.

Seçkiləri müşahidə etmək üçün 112 min 749 yerli müşahidəçi qeydə alınıb. Onlardan 65 mindən çoxu siyasi partiyaların nümayəndələridir. Qeydə alınmış beynəlxalq müşahidəçilərin sayı 598 nəfər olub ki, onlar 51 Təşkilatı, 69 ölkəni təmsil edib. Parlament seçkilərində qeydə alınan 990 namizəddən 305-i 25 siyasi partiyanın nümayəndəsidir. 371 nəfər siyasi partiyaların üzvü olmasına baxmayaraq, partiyalar tərəfindən namizəd olaraq irəli sürülməyiblər. Ümumilikdə 676 namizədin siyasi partiya mənsubiyyəti var.

Xəbər lenti

Xəbər lenti