Azərbaycan, Bakı, 06 iyun / Trend , müxbir R.Ergün/ Azərbaycanın "Xəzər-Lənkəran" futbol klubu üç futbolçusunu transferə çıxarıb. Bu barədə cümə günü Trend -a "Xəzər-Lənkəran" klubunun mətbuat xidməti məlumat verib.
Azərbaycanın futbol üzrə sonuncu kubokunun sahibi olan "Xəzər-Lənkəran"dan uzaqlaşdırılan hər üç futbolçu - Nadir Nəbiyev, Roberto Santos və Yakuba Bamba hücumçu mövqeyində çıxış edir Nəbiyev sonuncu futbol mövsümünün gedişində "Neftçi" klubundan transfer edilmişdi. Santos Braziliyadan dəvət edilmişdisə, Bamba "Xəzər-Lənkəran"a Yevlaxın "Karvan" klubundan transfer olunmuşdu. Bu futbolçulardan heç biri "Xəzər-Lənkəran"ın əsas heyət oyunçusu sayılmırdı.
Klubun mətbuat xidmətinin verdiyi məlumata görə, qarşıdakı günlərdə "Xəzər-Lənkəran"ın daha bir neçə futbolçusunun transferə çıxarılacağı planlaşdırılıb.
"Xəzər-Lənkəran" klubunun baş məşqçisi Ağasəlim Mircavadovdur.
Məqalə müəllifi ilə əlaqə ünvanı: [email protected]