Azərbaycan, Bakı, 12 iyun / Trend , müxbir R.Ergün/ Azərbaycanın kayak və kanoe qayıqlarında avarçəkmə üzrə yığma komandası cümə günü Almaniyanın Duysburq şəhərində start götürəcək dünya kubokunun ikinci mərhələsində mübarizəyə başlayacaq. Bu barədə cümə axşamı Trend -a Azərbaycan Milli Avarçəkmə Federasiyasının (AMAF) mətbuat xidməti məlumat verib.
Avarçəkmə üzrə dünya kubokunun ikinci mərhələsində Azərbaycanı dörd idmançı təmsil edəcək. Bir müddət əvvəl Macarıstanın Zeqed şəhərində keçirilən dünya çempionatının birinci mərhələsində 200 metr məsafəyə yürüşdə qızıl medal qazanan Valentin Demyanenko bu dəfə 500 metrlik məsafəni qət etməli olacaq.
35 ölkənin idmançılarının iştirak edəcəyi yarış iyunun 15-də başa çatacaq.
Məqalə müəllifi ilə əlaqə ünvanı: [email protected]