Azərbaycan, Bakı, 30 oktyabr / Trend , müxbir R.Ergün/ Azərbaycanlı futbolçu İlqar Qurbanovun çıxış etdiyi Türkiyənin "Boluspor" klubunun rəhbərliyi azarkeşlərin komandanın baş məşqçisinə göstərdiyi münasibəti pisləyib. Bu barədə Türkiyə mətbuatı xəbər verib.
Türkiyə çempionatının birinci liqa təmsilçisi olan "Boluspor"un uğursuz çıxış etməsi azarkeşlərlə klub arasında qarşıdurmaya səbəb olub. Bir neçə gün əvvəl - "Kasımpaşa" ilə oyundan sonra azarkeşlər baş məşqçi Serhat Gülləri təhqir ediblər.
Klub rəhbərliyi azarkeşhlərin istəyinin əksinə olaraq, baş məşqçini istefaya göndərməyəcəklərini bildirib.
Qurbanov "Boluspor"a Türkiyə Superliqasında çıxış edən "Sivasspor"dan transer olunub.
Azərbaycan yığma komandasının da üzvü olan futbolçu, əvvəllər Türkiyənin "Fənərbaxça", Azərbaycanın "Xəzər-Lənkəran" klublarında çıxış edib.
Məqalə müəllifi ilə əlaqə ünvanı: [email protected]