Azərbaycan, Bakı, 17 aprel / Trend müxbir İ.İsabalayeva/
"Eurovision 2012" Mahnı Müsabiqəsinin keçiriləcəyi müddətdə Bakıdakı orta məktəblərdə dərslərin dayandırılmasına zərurət yaranmayacaq. Trend-in məlumatına görə, bunu təhsil naziri Misir Mərdanov çərşənbə axşamı jurnalistlərə bildirib.
Mərdanov deyib ki, bu yarışma Bakının müəyyən hissəsində keçiriləcək.
"Müsabiqə keçirilən zaman artıq dərslər başa çatmaq ərəfəsində olacaq", - nazir qeyd edib.
Onun sözlərinə görə, hələlik orta məktəblərdə dərslərin dayandırılması məsələsinin müzakirəyə çıxarılması və bununla bağlı qərarın verilməsi gözlənilmir.