Bakı. Trend:
"Universitetlərimiz kadr yetişdirə bilmir" fikiri çox ümumi anlayışdır. Əksəriyyətmiz Azərbaycan universitetlərindən məzun olmuşuq. Mən də Azərbaycan univeristetini bitirmişəm.
Trend-in məlumatına görə, bunu elm və təhsil naziri Emun Əmrullayev jurnalistlərə açıqlamasında deyib.
O bildirib ki, bu mənada pis fikirləri bəzən çox ümumiləşdiririk.
"Son 10-15 ildə qəbul olan tələbələrin sayı iki dəfə artıb. Aydın məsələdir ki, kəmiyyətin artımı keyfiyyətə təsir edir.
İş yerlərinə qəbulda da belədir. Mən müəllimlərdən nümunə göstərə bilərəm ki, bəzi bölgələrdə vakant yerlər olsa da, daha çox adam iri şəhərlərdə çalışmaq istəyir. Bu, əməkhaqqı ilə bağlı deyil, daha çox həyat tərzi ilə bağlıdır. Həmçinin həm orta məktəbi, həm bakalavrı bitirən yüzlərlə məzunumuz dünyanın nüfuzlu universitetlərinə qəbul olanlar var. Ona görə, bu fikri bütün məzunlara aid etmək olmaz
Universitetlərimiz keyfiyyətsiz olsaydı, məzunlarımız Harvarda, Stanforda daxil olmazdılar. Məsələ daha çox uyğun kadr hazırlığından gedir. Bu uzun prosesdir. Buna uzunmüddətli perspektivdə baxmaq lazımdır. İnanıram ki, yaxşı nəticələr olacaq",- deyə nazir əlavə edib.