UEFA Kubokunda çıxış edən "Qarabağ" futbol klubu orta xətti əhəmiyyətli dərəcədə gücləndirmək niyyətindədir.
Trend in verdiyi xəbərə görə, bu məqsədlə komanda baş məşqçi Böyükağa Hacıyevin dəvət etdiyi yarımmüdafiəçi Boris Çebotarı gözdən keçirir. Moldova çempionatı çərçivəsində futbolçu "Daçiya"nın tərkibində "Zimbru" komandasına qarşı oynayan zaman məşqçi tərəfindən bəyənilib. Bu oyun Avropa kubokunun ilk oyunundan bir gün əvvəl baş verib. Həm də ağdamlıların Ölkə kubokundakı qələbəsində mühüm rol oynamış yarımmüdafiəçi Qoqa Beraya zədə aldığından Azərbaycan çempionatının birinci dairəsinin sonuna qədər oyunlarda iştirak etməyəcək.
Qeyd etmək lazımdır ki, "Daçiya"ya keçməzdən əvvəl B.Çebotar "Zimbru" və Ukraynanın "Volın" klubları adından da çıxış edib.