Bakı. Trend:
Bu gün Avropa Liqasında pley-off mərhələsinin ilk oyunları keçirilib.
Trend İdman.biz-ə istinadən xəbər verir ki, qitənin ikinci dərəcəli klub turnirində 12 matç baş tutub.
Qardaş Türkiyə təmsilçisi “Beşiktaş” “Luqano” ilə qarşılaşıb. İsveçrədə təşkil olunan ilk oyun məhsuldar keçib. Qapılara 6 qol vurulub. 3:3 hesabı ilə başa çatan görüşdə "qara qartallar" iki top fərqli üstünlüyü qoruya bilməyiblər.
"Lüdoqorets", PAOK, "Ayaks" və "Makkabi" ilk oyunda böyükhesablı qələbə qazanaraq, cavab matçına sərfəli nəticə ilə çıxacaqlar.