...

Türkiyənin "CitiBank"ı Azərbaycanda nümayəndəlik açmağa icazə alıb

Biznes və iqtisadiyyat xəbərləri Materials 20 Fevral 2008 16:02 (UTC +04:00)

Azərbaycan, Bakı, 20 fevral/ , müxbir İ.Xəlilova/ Azərbaycan Milli Bankının (AMB) İdarə Heyəti Türkiyənin "CitiBank Anonim" şirkətinə Azərbaycanda nümayəndəlik açmaq üçün icazə verib. Bu barədə çərşənbə günü AMB-nin kredit təşkilatlarının fəaliyyətinə nəzarət üzrə Departamentinin direktoru Adışirin Qasımov məlumat verib.

Onun sözlərinə görə, Amerika bankı türk ofisi vasitəsilə Azərbaycanda öz nümayəndəliyini açıb. "CitiBank" AMB-yə ötən ilin noyabrında müraciət edib və Milli Bankın İdarə Heyəti 2008-ci il fevralın 18-də bankın Azərbaycanda nümayəndəlik açmasına razılıq verib.

"CitiBank" ölkədə geniş planlara malikdir və bir müddət nümayəndəliyin filiala çevrilməsi vasitəsilə bank əməliyyatlarının həyata keçirilməsinə hazırdır.

Respublikada iki bankın - Latviyanın "Parex Bank" və Almaniyanın "Commerz Bank"nın nümayəndəlikləri fəaliyyət göstərir. Alman bankına icazə 2007-ci ilin noyabrında verilib.

Qasımovun sözlərinə görə, xarici bankların Azərbaycanın maliyyə bazarına daxil olmaq marağı böyükdür. Fransanın "Societe General", Rusiyanın "Vneştorqbank"ı (o, artıq AMB-yə müraciət edib) yerli banklarda iştirak payı almaq üçün maraqlıdır, Gürcüstanın TBC Bank-ı isə SOA Credit-bank olmayan kredit təşkilatının səhmlərinin 75%-ni alıb.

"Poct bank"ın AMB-yə hesabat təqdim etməməsinə baxmayaraq, Azərbaycanda 46 bank fəaliyyət göstərir.

Xəbər lenti

Xəbər lenti