Azərbaycan, Bakı, 14 oktyabr / Trend / "Royal Bank of Baku" İtaliyanın "The Sturgeon Fund Limited" İnvestisiya Fondundan 1,5 mln. ABŞ dolları məbləğində növbəti kredit tranşını cəlb edib.
İtaliyanın İnvestisiya Fondundan ötən il alınan 21 mln. ABŞ dolları məbləğində ümumi borcdan oktyabrın 7-də 1,5mln. ABŞ dolları həcmində tranş daxil olub, oktyabrın 15 - də 1 mln. ABŞ dolları həcmində, oktyabrın 30 - da isə, 5 mln. ABŞ dolları həcmində növbti tranşlar cəlb ediləcək.
Borc vəsaiti bankın kredit siyasəti çərçivəsində istehlakçı kreditlərinin yerləşdirilməsinə yönəldiləcək.
" "Royal Bank of Baku" istehlakçı kreditlərinin verilməsi üzrə yerli kredit təşkilatları arasında lider mövqeyini gələcəkdə də saxlamaq niyyətindədir", - deyə bankın məlumatında bildirilir.
Oktyabrın 14-nə olan rəsmi məzənnə 0,8087 AZN/USD təşkil edir.
Məqalə müəllifi ilə əlaqə ünvanı - [email protected]