Azərbaycan, Bakı, 27 oktyabr/ Trend , müxbir Ü.İsmayılova/ "AzSigorta" şirkəti Baş direkrtorunun müavini Xəyal Məmmədxanlı hesab edir ki, sığorta və təkrarsığorta şirkətlərinin kapitallaşmasına yönəldilən mənfəətin bir hissəsinin vergidən azad edilməsi üzrə hökumət planı Azərbaycanın sığorta bazarının artamına müsbət təsir göstərəcək.
"Mənfəətin məhz indi, bir çox sığorta şirkətlərinin asılı olduğu ölkənin bank sektorunun istehlakçı kreditlərinin verilməsini xeyli azaltdığı bir vaxtda vergidən azad edilməsi, - sığorta şirkətlərinə sağ qalmaq üçün imkan yaradacaq", - deyə bazar ertəsi Məmmədxanlı bildirib.
Ötən həftə İqtisadi siyasət məsələləri üzrə parlament komissiyası 2009-cu il yanvarın 1- dən Azərbaycan bankları, sığorta və təkrarsığorta şirkətlərinin mənfəətinin kapitallaşmanın artırılmasına yönəldilən hissəsinin vergidən azad edilməsi barədə təklifi müzakirə edib. Qanun layihəsinin qəbul edilməsində əsas məqsəd, maliyyə sahələrinin inkişaf tempinin sürətləndirilməsi, bank və sığorta sektorunda xidmət keyfiyyətinin qaldırılması, şirkətlər tərəfindən kapitallaşmanın artırılmasının stimullaşdırımasından ibarətdir.
Ölkədə mənfəətə görə vergi 22 faiz təşkil edir. Azərbaycanda 45 bank, 28 sığorta və bir təkrar sığorta şirkəti fəaliyyət göstərir.
Azərbaycan Maliyyə Nazriliyinin məlumatına görə, cari ilin yanvar - sentyabrında şirkətlər 148,7 mln. manat məbləğində sığorta haqqı toplayıb, sığorta ödəmələri isə 40,4 mln. manat təşkil edib. Maliyyə Nazirliyi tərəfindən təsdiq edilən Nizamnamə kapitalına tələblər cədvəlinə görə, Azərbaycan sığorta şirkətlərinin kapitallaşma səviyyəsi 2009-cu il yanvarın 1-dən 1 mln. manat, təkrar sığorta şirkətləri üçün 2 mln. manat səviyyəsində olmalıdır.
Azərbaycanda avqustun ortalarında isçtehlakçı kreditləşməsi üzrə temp azaldı, bəzi banklar hətta bu istiqamətdə əməliyyatları dayandırdılar. Banklar tərəfindən kreditləşdirmə tempinin azaldılması, ilk növbədə, dünya maliyyə bazarlarındakı böhran ilə izah olunur. Belə vəziyyət bankları ehtiyatlı olmağa və müştəri bazası formalaşdırılan zaman daha sərt seçim aparmağa məcbur edir ki, bu da korporativ idarəetmə sisteminin bir hissəsidir.
Hazırda Azərbaycan bankları bir neçə növ üzrə kredit verilməsini bərpa ediblər.
Azərbaycanda avtomobil sığortası geniş inkişaf edib. Qanuna əsasən, avtomobil alınanda sığortalanmalıdır (OSAQO) ki, bu da sığorta şirkətlərinin həyata keçirdiyi biznesi bankların istehlakçı kreditlərinin verilməsindən asılı edir.
2006 - cı ilin noyabrından fəaliyyət göstərən "AzSigorta" 28 növ üzrə sığorta xidməiti göstərir, onlardan üçü icbaridir. Şirkət 2007 - ci ilin yekunları üzrə ilk dəfə olaraq yığım həcminə
görə, Azərbaycan sığorta şirkətləri liderlərinin onluğuna daxil olub. Həmin il şirkətin sığorta haqları 5 mln. manat təşkil edib.
Məqalə müəllifi ilə əlaqə ünvanı - capital