Azərbaycan, Bakı, 15 mart /Trend/
Martın 13-də Moskva şəhərində "Azad Piramida" rus bilyardı üzrə "PRINCE OPEN 2011" kuboku keçirilib. Bu kubokda Azərbaycan Respublikası Bilyard İdman Federasiyasının və Azərbaycan bilyard yığmasının üzvü Yəhya Məmmədov "Parabank" ASC-nin dəstəyi ilə Azərbaycanı təmsil edib.
Yəhya Məmmədov 128 nəfər usta oyunçuların arasında 1/8 finala yüksələrək 9-cu yerə layiq görülüb. Bu turnirin məqsədi sağlam həyat tərzinin təbliğatı, rus bilyardının populyarlaşdırılması, idmançıların peşəkarlığınını qaldırılması, onların şəxsi reytinqlərinin təyin edilməsi və beynəlxalq əlaqələrin gücləndirilməsi məqsədi ilə keçirilir.
"Parabank" hər zaman gəncləri dəstəkləyir və onları sağlam həyat tərzi keçirməyə çağırır.