Azərbaycan, Bakı, 1 fevral / Trend müxbir E.İsmayılov/
"Turkish Airlines" şirkətinin həyata keçirdiyi İstanbul-Bakı və Bakı-İstanbul aviareysləri təxirə salınıb. Bu barədə çərşənbə günü Trend-ə Heydər Əliyev Beynəlxalq Aeroportundan məlumat verilib.
Cədvələ görə, TK 332 reysinin İstanbul-Bakı təyyarəsi paytaxta yerli vaxtla saat 12:30-da daxil olmalı, Bakıdan isə saat 13:30-da uçmalı idi.
"Turkish Airlines" şirkətinin həyata keçirdiyi aviareys təxirə salınıb. O artıq bir neçə gündür ardıcıl olaraq təxirə salınır", - aeroportdan deyiblər.
Bir neçə gündür ki, Türkiyə ərazisində pis hava şəraiti və güclü qar müşahidə olunur ki, bu da çoxlu sayda reysin təxirə salınmasına gətirib çıxarıb.