Azərbaycan, Bakı, 2 fevral /Trend müxbir E.İsmayılov/
Əlverişsiz hava şəraiti və çovğun Heydər Əliyev Beynəlxalq Hava Limanından bir sıra aviareyslərin yola salınmasının yubadılmasına səbəb olub. Bu barədə cümə axşamı Trend-ə aeroportdan bildirilib.
Xüsusən hazırda Bakı-Praqa, Bakı-Naxçıvan, Bakı-Kiyev, Bakı-Gəncə, Bakı-İstanbul, Bakı-Dubay, Bakı-Ankara, Bakı-Tehran, Bakı-Moskva aviareysləri gecikir.
"Hava şəraiti səbəbindən aviareyslər hələlik yerli vaxtla saat 12:00-a qədər təxirə salınıb", - aeroportdan qeyd edilib.
Bildirilib ki, təyyarələrin qəbulunda problem yoxdur.