Azərbaycan, Bakı, 14 mart /Trend, müxbir N.Kirsxaliya/
Gürcüstanın Neft və Qaz Korporasiyası bazar ertəsi Qırmızı Körpü-Saquramo qaz kəmərinin 10 kilometrlik hissəsinin tikintisi üzrə beynəlxalq tender çərçivəsində ərizələrin qəbulunu başa çatdırır. Bu barədə Trend-ə korporasiyadan məlumat verilib. Bu qaz kəməri Gürcüstanı Azərbaycanla birləşdirir.
Layihənin dəyəri dörd milyon dollara yaxındır.
80 kilometrlik Qırmızı körpü (Azərbaycanla sərhəd) - Saquramo qaz kəməri enerjidaşıyıcıların nəqlinin şaxələndirilməsi məqsədilə tikilir.
2006-cı ildə bu layihə çərçivəsində qaz kəmərinin 30 kilometrlik Qardabani-Navtluqi və 2010-cu ildə daha 10 kilometrlik hissəsi inşa edilib.