Azərbaycan, Bakı, 24 may /Trend/
Təmir işləri ilə əlaqədar olaraq 25 may 2012-ci il tarixdə saat 10:00-dan 18:00-dək "Qazax" qazpaylayıcı stansiyası və "Ağköynək" avtomatik qazpaylayıcı stansiyasından, saat 09:00-dan 17:00-dək isə "Yevlax-1" və "Yeni Yevlax-1" (Cırdaxan) qazpaylayıcı stansiyalarından, saat 09:30-dan 18:00-dək isə "Mərəzə" qazpaylayıcı stansiyasından Qobustan rayonuna gedən qaz kəmərində təbii qaz təchizatı dayandırılacaq.
Trend ARDNŞ-nin rəsmi saytına istinadən məlumat verir ki, təmir işləri aparılan müddətdə Qazax şəhərinin bir hissəsinə, Yevlax şəhəri də daxil olmaqla, rayonun Cırdaxan, Salahlı, Varvara, Balçılı və Ağqıraqlı kəndlərinə, eləcə də Ərəbqədim və Göydərə kəndləri istisna olmaqla, Qobustan rayonunun "mavi yanacaq"la təmin olunan bütün yaşayış məntəqələrinə təbii qazın verilişində fasilələr yaranacaq.