Bakı. Trend:
Bolqarıstan Cənub Qaz Dəhlizi çərçivəsində tərəfdaşlıq münasibətlərinin daha da inkişaf etdirilməsinə sadiqliyini təsdiq edir.
Trend xəbər verir ki, bunu Bolqarıstanın energetika naziri Jeço Stankov Cənub Qaz Dəhlizi Məşvərət Şurası çərçivəsində nazirlərin 11-ci və Yaşıl Enerji Məşvərət Şurası çərçivəsində nazirlərin 3-cü iclaslarında çıxışı zamanı deyib.
O bildirib ki, Bolqarıstan qaz infrastrukturunun inkişafı istiqamətində ardıcıl siyasət yürüdür:
“Bu siyasət milli və Avropa hədəfləri çərçivəsində qarşılıqlı əlaqələndirilmiş və vahid ümumavropa qaz bazarının formalaşdırılması, etibarlı və şaxələndirilmiş təchizatın təmin olunması məqsədlərinə xidmət edir.
Biz Cənub Qaz Dəhlizi çərçivəsində tərəfdaşlıq münasibətlərinin daha da inkişaf etdirilməsinə sadiqliyimizi təsdiq edirik”.