...

Bolqarıstanın energetika naziri Azərbaycanla yeni elektrik enerjisi dəhlizi layihəsinin əhəmiyyətindən danışdı (ÖZƏL)

Yaşıl iqtisadiyyat Materials 4 Aprel 2025 18:35 (UTC +04:00)
Bolqarıstanın energetika naziri Azərbaycanla yeni elektrik enerjisi dəhlizi layihəsinin əhəmiyyətindən danışdı (ÖZƏL)
Sadiq Cavadov
Sadiq Cavadov
Bütün xəbərlər

Bakı. Trend:

Bu gün biz Azərbaycan, Türkiyə və Gürcüstandan olan həmkarlarımızla Xəzər regionundan cənub-şərqi Avropaya, Bolqarıstana və qonşularımıza - Rumıniya və Macarıstana elektrik enerjisinin çatdırılmasına imkan verəcək yeni elektrik enerjisi dəhlizinin yaradılmasına dair Anlaşma Memorandumu imzaladıq.

Bunu Trend-ə Bolqarıstanın energetika naziri Jeço Stankov Bakıda keçirilən Cənub Qaz Dəhlizi üzrə Məşvərət Şurasının iclası çərçivəsində deyib.

"Azərbaycandan Bolqarıstana qaz tədarükü üçün uzunmüddətli müqavilə bağladıqdan sonra bizim indi bu təcrübəni elektrik enerjisi sektoruna da yaymaq imkanımız var. Bu o deməkdir ki, biz uzunmüddətli perspektivdə Bolqarıstanı təkcə Azərbaycandan ucuz qazla deyil, həm də bu regiondan Avropanın cənub-şərq hissəsinə ucuz külək və günəş enerjisi ilə təmin edəcəyik", - o bildirib.

Qara dəniz enerji kabeli layihəsindən danışan Stankov vurğulayıb ki, bu, bu gün imzalanan layihəyə əlavə layihədir.

"Hazırda Bolqarıstan bu layihəyə qoşulmağa maraq göstərir. Hazırda hökumətlərarası sazişi Azərbaycan, Gürcüstan, Rumıniya və Macarıstan imzalayıb. Bir ay əvvəl Macarıstanda keçirilən görüşdə biz bu layihədə iştirak etməkdə maraqlı olduğumuzu və bu layihədə böyük perspektivlər gördüyümüzü bildirdik. Təbii ki, Avropa qanunvericiliyinə uyğun olaraq ətraf mühitə təsirin qiymətləndirilməsi mühüm rol oynayır. Bolqarıstan, Yunanıstan və Rumıniya mərkəzi və qərbi Avropa ilə kifayət qədər əlaqəmiz olmadığı üçün regionumuzda elektrik enerjisinin yüksək qiymətləri ilə bağlı Aİ komissarı Yorgensenə xüsusi məktub göndərib. Məhz buna görə də əlavə həcmdə elektrik enerjisi istehlakçılarımıza son dərəcə müsbət təsir göstərəcək", - o bildirib.

Məqalədə:
Xəbər lenti

Xəbər lenti