Bakı. Orxan Quluzadə - Trend:
Türkiyə və Rusiya Suriyada münaqişə tərəflərinə təqdim olunacaq hərtərəfli atəşkəs planını razılaşdırıblar. Trend-in məlumatına görə, bu barədə "Anadolu" agentliyi hökumət mənbələrinə istinadən xəbər yayıb.
Məlumata əsasən, Hələbin şərqində atəşkəs barədə razılaşma əldə edildikdən sonra Ankara və Moskva bütün Suriya ərazisinə şamil olunacaq hərtərəfli atəşkəsi planını razılaşdırıb.
Münaqişə tərəflərinə - Suriya ordusu və müxalifət qüvvələrinə təqdim olunacaq plana əsasən atəşkəs rejimi dekabrın 29-u saat 00:00-dan etibarən qüvvəyə minəcək.
Atəşkəs rejimi terror təşkilatlarına şamil olunmayacaq.
Bu sazişin uğur qazanacağı təqdirdə, Rusiya və Türkiyə Astanada Suriya münaqişəsinin həlli ilə bağlı danışıqlara başlayacaqlar.