Bərdə. Trend:
Bərdədə xəsarətlə nəticələnən yol-nəqliyyat hadisəsi baş verib.
Trend-in yerli müxbirinin əldə etdiyi məlumata görə, hadisə H.Əliyev prospektində qeydə alınıb.
Belə ki, "VAZ-21099" markalı minik avtomobili "VAZ 21007" markalı minik avtomobili ilə toqquşub. Daha sonra maşınlardan biri yol kənarında dayanan "OKA" markalı avtomobilə çırpılıb.
Qəza zamanı Bərdə rayon sakini 73 yaşlı Əliyev Aşur Murtuza oğlu və Tərtər rayon sakini 46 yaşlı Mamedov Qorxmaz Məhəmmədli oğlu müxtəlif dərəcəli bədən xəsarətləri ilə Bərdə mərkəzi xəstəxanasına çatdırılıb.
Xəsarət alanların vəziyyətinin həyatı təhlükəsinin olmadığı bildirilib.
