Bakı. Trend:
Kanada artıq Ukraynaya NASAMS zenit-raket kompleksini (ZRK) təhvil verib.
Trend-in məlumatına görə, bu barədə Milli Müdafiə naziri Uilyam Bleyr Halifaxda keçirilən təhlükəsizlik forumunda deyib.
"Demək olar ki, iki il əvvəl ABŞ ilə tərəfdaşlıqda əldə etdiyimiz NASAMS zenit-raket kompleksinin artıq Ukraynaya gətirildiyini bildirməkdən məmnunluq duyuram", - deyə nazir bildirib.
Qeyd edək ki, 11 yanvar 2023-cü ildə Kanada hökuməti Ukraynanın ehtiyacları üçün ABŞ-dən NASAMS hava hücumundan müdafiə sistemlərini 406 milyon Kanada dollarına (o vaxt mövcud olan məzənnə ilə təxminən 303 milyon dollar) alacağını açıqlayıb.