Bakı. Trend:
Azərbaycanın kişi basketbolçulardan ibarət milli komandası dünya çempionatının seçmə mərhələsində növbəti oyununu keçirib.
Trend-in məlumatına görə, Azərbaycan yığması səfərdə İrlandiya ilə qarşılaşıb. Dublin şəhərində baş tutan görüş İrlandiyanın 91:67 hesablı qələbəsi ilə başa çatıb.
Milli komanda növbəti qarşılaşmasını noyabrın 24-də doğma meydanda İsveçrə seçməsinə qarşı keçirəcək.
Qeyd edək ki, Tahir Baxşıyevin rəhbərlik etdiyi komandamız əvvəlki oyunlarda səfərdə İsveçrəyə 72:53, evdə isə Kosovoya 87:77 hesabı ilə qalib gəlib.