Bakı. Trend:
Bu gün futbol üzrə Premyer Liqada XIV tura start veriləcək.
Trend xəbər verir ki, ilk oyun günündə bir qarşılaşma keçiriləcək.
Turnir cədvəlinin autsayderi “Kəpəz” “Araz-Naxçıvan”ı qəbul edəcək. Tovuz şəhər stadionunda reallaşacaq görüş saat 17:00-da başlayacaq. Matçı FIFA referisi Elçin Məsiyev idarə edəcək.
Gəncə klubu 7 xalla sonuncu – 10-cu, 30 xalı olan Naxçıvan təmsilçisi isə 2-ci pillədə qərarlaşıb.
Qeyd edək ki, XIV turun digər qarşılaşmaları noyabrın 23-24-də təşkil olunacaq.