Bakı. Maksim Tsurkov - Trend:
Bakının Qaradağ rayonunun Səngəçal qəsəbəsindəki neft-qaz terminalı adi rejimdə işini davam etdirir.
Bu barədə Trend-ə terminalın operatoru olan “BP-Azerbaijan”ın mətbuat xidmətindən məlumat verilib.
Məlumatda qeyd olunur ki, Səngəçal temrinalındakı ixrac boru kəmərlərində bütün işlər və əməliyyat fəaliyyəti adi rejimdə davam edir.
Qeyd edək ki, bu gün Bakı şəhəri, Qaradag rayonunda diametri 1000-1200 mm olan 2 ədəd qaz xəttində yanğınla nəticələnən partlayış baş verib.
Hadisə nəticəsində xəsarət alan olmayıb, yanğının söndürülməsi işləri davam edir, yaşayış məntəqələri üçün təhlükə yoxdur.