Bakı. Trend:
Nigeriyanın Kaduna əyalətində "diaqnozu qoyula bilməyən xəstəlik" 5 nəfərin ölümünə səbəb olub.
Trend xəbər verir ki, Ser Patrik Yakova xəstəxasının katibi Ezra Coşua verdiyi açıqlamada xəstəliklə bağlı 10 nəfərin xəstəxanaya yerləşdirildiyini bildirib.
Xəstəxanaya gətirilənlərdən bəzilərində öskürək və qusmanın müşahidə olunduğu qeyd edilir. Xəstəliklə əlaqədar həyatlarını itirənlərin ölüm səbəbləri ilə bağlı araşdırmalar davam etdirilir.
Coşua valideynləri xəbərdar edərək hər hansı xəstəlik əlaməti müşahidə etdikdə uşaqlarını təcili olaraq xəstəxanaya gətirməyə çağırıb.