Bakı. Trend:
Azərbaycan Memarlıq və İnşaat Universiteti (AzMİU) beynəlxalq akademik reytinqdə mühüm uğur qazanıb.
Trend xəbər verir ki, bu barədə AzMİU məlumat yayıb.
Bildirilib ki, universitet dünyada nüfuzlu “Higher Education” reytinq sistemində 422 iştirakçı universitet arasından 101-ci pilləyə yüksəlib və ölkə üzrə ilk üçlükdə qərarlaşıb.
Bu uğur AzMİU-nun akademik fəaliyyəti və təhsil keyfiyyətinin beynəlxalq aləmdə tanınmasında mühüm mərhələdir.
Reytinqdə əldə olunan uğurlu nəticə AzMİU-nun elm, təhsil və tədqiqat sahəsindəki inkişafını, həmçinin dünya səviyyəsindəki əhəmiyyətini nümayiş etdirir. Universitetin qabaqcıl təhsil metodları, beynəlxalq əməkdaşlıqları, müasir infrastrukturu və tələbə-müəllim heyətinin yüksək peşəkarlığı nailiyyətin əsas amilləri sırasında yer alır.
AzMİU-nun reytinqdəki hazırkı mövqeyi universitetin gələcəkdə daha böyük uğurlar qazanmağa və daha çox beynəlxalq layihələrə imza atmağa stimul yaradır.
Universitet rəhbərliyi bu uğuru təhsil sahəsində irəlilətmək, beynəlxalq əməkdaşlıqları genişləndirmək və ölkənin təhsil sistemindəki mövqeyini gücləndirmək məqsədilə əlavə tədbirlər görməyi planlaşdırır.
