Bakı. Trend:
Ukraynada seçkilərə “heç bir hazırlıq getmir”.
Trend xəbər verir ki, bunu Ukrayna prezident administrasiyası rəhbərinin müşaviri Mixayil Podolyak Ukraynanın “24-cü” telekanalının efirində bildirib.
“Seçkilərə heç bir hazırlıq getmir....Mayın 8 və ya 9-da hərbi vəziyyətin ləğv olunacağını və altı aydan sonra seçkilərin keçiriləcəyini söyləmək, yumşaq desək, bir qədər çətindir”, - deyə o vurğulayıb.
Qeyd edilir ki, bundan əvvəl “Strana.ua” portalı öz mənbələrinə istinadən Ukrayna prezident administrasiyasının ölkədə prezident seçkilərinin keçirilməsi ilə bağlı hazırlıqlara başladığı barədə məlumat yaymışdı. Məqalədə Ukrayna hökumətinin may ayının sonuna qədər Rusiya ilə sülh razılaşmasının əldə olunacağına əmin olduğu qeyd olunurdu.