Bakı. Trend:
Cari ilin yanvar-fevral aylarında Naxçıvan Muxtar Respublikası Dövlət Energetika Xidmətinin ixrac gəlirləri 164,6 min ABŞ dolları təşkil edib.
Bu barədə Trend İqtisadi İslahatların Təhlili və Kommunikasiya Mərkəzinin (İİTKM) açıqladığı “İxrac icmalı”nın mart sayına istinadən xəbər verir.
Məlumata görə, bu göstərici ötən ilin eyni dövrü ilə müqayisədə 18,5 min ABŞ dolları və ya 12,7% çoxdur.
Belə ki, 2024-cü il yanvar-fevral aylarında Naxçıvan Muxtar Respublikası Dövlət Energetika Xidmətinin ixrac gəlirləri 146,1 min ABŞ dolları olub.
Qeyd edək ki, qeyri-neft sektoru üzrə ixrac əməliyyatlarında iştirak edən dövlətə məxsus olan şirkətlərin siyahısına ARDNŞ-nin Marketinq və İqtisadi Əməliyyatlar İdarəsi başçılıq edir. Daha sonra bu siyahıda aşağıdakı şirkətlər təmsil olunublar:
“SOCAR Polymer” MMC, “Azəralüminium” MMC, “AzerGold” QSC, Azərbaycan Respublikası Dövlət Neft Şirkətinin Qaz İxrac İdarəsi,"Azərpambiq Aqrar Sənaye Kompleksi" MMC, "Azərbaycan Hava Yollari" QSC, “Azərenerji” ATSC, Naxçıvan MR Dövlət Energetika Xidməti, “Qaradağ Şüşə Zavodu” ASC.