Bakı. Trend:
Aprelin 2-də Müstəqil Dövlət Birliyinin Parlament Assambleyasının (MDB PA) Sosial siyasət və insan hüquqları üzrə daimi komissiyasının videokonfrans formatında iclası keçirilib. Tədbirdə komissiyasının sədri , deputat Nizami Səfərov iştirak edib.
Bu barədə Trend-ə Milli Məclisin Mətbuat və ictimaiyyətlə əlaqələr şöbəsindən məlumat verilib.
Bildirilib ki, Nizami Səfərovun sədrlik etdiyi onlayn iclasda IX Sankt-Peterburq Beynəlxalq Əmək Forumunun yekunları, “Valideynlərin uşaqların təhsili və tərbiyəsinə görə məsuliyyəti haqqında”, “Uşaq hüquqları üzrə müvəkkil haqqında”, “MDB-yə üzv dövlətlərdə dərman təminatı haqqında” model qanun layihələri və gündəliyin digər məsələləri ətrafında müzakirələr aparılıb.
