Bakı. Trend:
Bu ilin mart ayında Azərbaycanın axtarış sistemi bazarında 84,93 faiz paya sahib olan "Google" ölkədə ən populyar axtarış sistemi kimi qalmaqda davam edib.
Trend “Global Stats” Statistika Mərkəzindən əldə etdiyi məlumata görə, cari ilin fevral ayı ilə müqayisədə "Google" axtarış sisteminin payı 1,97 faiz azalıb.
Hesabat dövründə "Yandeks" axtarış sisteminin payı 1,86 faiz artaraq 13,25 faiz təşkil edib.
"Bing" axtarış sisteminin payı 0,05 faiz, "Yahoo"nun payı isə 0,02 faiz bəndi artaraq müvafiq olaraq 1,08 faizə və 0,38 faizə bərabər olub.
Hesabat dövründə Azərbaycanın axtarış sistemi bazarında 0,36 faiz digər axtarış sistemlərinin payına düşüb.