Bakı. Trend:
Bu ilin yanvar-fevral aylarında Azərbaycanda aqrar məhsulların ixracı 119,7 milyon ABŞ dolları təşkil edib.
Bu barədə Trend İqtisadi İslahatların Təhlili və Kommunikasiya Mərkəzinin açıqladığı “İxrac İcmalı”nın mart sayına istinadən xəbər verir.
Məlumata əsasən, bu göstərici ötən ilin eyni dövrü ilə müqayisədə 9,5% çoxdur.
Bildirilib ki, aqrar-sənaye məhsullarının ixracı 17,7% artaraq 43 milyon ABŞ dollarına bərabər olub.
Bütövlükdə, aqrar və aqrar-sənaye məhsullarının birgə ixracı 11,6% artaraq 162,8 milyon ABŞ dolları təşkil edib.