Bakı. Trend:
İsrail Hərbi Hava Qüvvələrinin qırıcıları Livanın cənubunda davam edən əməliyyatlar çərçivəsində Litani çayının üzərindəki sonuncu işlək körpünü aviazərbələrlə dağıdıb.
Trend bu barədə xarici mediaya istinadən xəbər verir.
Qeyd edək ki, Kəsmiyə körpüsü Tir şəhərində yerləşirdi.
Livan (Hizbullah) – İsrail münaqişəsinin hazırkı mərhələsi 2 martdan etibarən yenidən alovlanıb və toqquşmalar 28 fevralda ABŞ-İsrailin İrana qarşı başladığı müharibədən sonra "Hizbullah"ın İsrailə raket hücumları ilə genişlənib.
Son məlumatlara görə, İsrailin genişmiqyaslı hava və quru əməliyyatları nəticəsində Livanda 2 mindən çox insan həlak olub, 1 milyondan çox insan köçkün düşüb. İsrail isə minlərlə "Hizbullah" döyüşçüsünün zərərsizləşdirildiyini bildirir. "Hizbullah" isə İsrailə minlərlə raket və PUA hücumu həyata keçirib.