Bakı. Trend:
Cari ilin yanvar-mart aylarında Azərbaycanda 33,4 min ton neft bitumu istehsal olunub.
Trend xəbər verir ki, bu barədə məlumat Azərbaycan Dövlət Statistika Komitəsi tərəfindən dərc olunub.
Məlumata görə, bu göstərici 2025-ci ilin eyni dövrü ilə müqayisədə 7 min ton və ya 17,3% azdır. Belə ki, ötən ilin yanvar-mart aylarında ölkədə 40,4 min ton neft bitumu istehsal edilmişdi.
Qeyd edək ki, cari ilin yanvar-mart aylarında Azərbaycanda 6,630 milyon ton xam neft (qaz kondensatı daxil olmaqla) hasil olunub.
Məlumata əsasən, bu göstərici ötən ilin eyni dövrü ilə müqayisədə 234 min ton və ya 3,4% azdır.
Hesabat dövründə xam neft hasilatının ümumi həcmindən 6,612 milyon tonu əmtəəlik xam neftin payına düşüb ki, bu da əvvəlki ilin müvafiq göstəricisi ilə müqayisədə 235 min ton və ya 3,4% azdır.
BAKI /Trend/ – Cari ilin yanvar-mart aylarında Azərbaycanda 33,4 min ton neft bitumu istehsal olunub.