Bakı. Trend:
Avropanın statistika və proqnoz qurumu olan Avrostat (Eurostat) 2100-cü ilə qədər Avropa İttifaqı ölkələrində ümumi əhali sayının 11,7 faiz vəya 53 milyon nəfərə qədər azalacağını proqnozlaşdırır.
Trend xəbər verir ki, bu barədə Avrostatın rəsmi pres-relizində deyilir.
Proqnozda qeyd olunur ki, Avropa ölkələri əhali sayı baxımından öz pikini yaxın 3 il ərzində yaşayacaq, belə ki, əhali sayı 453,3 milyona çatacaq. 2100-cü ilə qədər isə sayın 398,8 milyon nəfərə qədər azalacağı gözlənilir.
Belə ssenaridə əhalinin azalmasına təsir edən əsas amil kimi, əhalinin qocalma tendensiyası göstərilir.
Proqnoza görə, 2100-cü ilə qədər blokda yaşı 65-yuxarı olan vətəndaşların sayı 22 faizdən 33 faizə yüksələcək.