Bakı. Trend:
Qrenlandiya parlamenti – İnatsisartut Qrenlandiya, ABŞ və Danimarka arasında Arktikada təhlükəsizliklə bağlı yeni sazişi dəstəkləyib.
Bu barədə "KNR" telekanalı məlumat yayıb.
İndi saziş noyabrın 19-da Danimarka parlamenti – Folketingin təsdiqinə təqdim edilməlidir.
Qeyd edək ki, ABŞ, Qrenlandiya və Danimarka arasında saziş sentyabrın 22-də Nyu-Yorkda imzalanıb. Bu sənəd 1951-ci il müqaviləsinin yenilənmiş versiyasıdır və ABŞ-ın adada hərbi bazalar yerləşdirməyi planlaşdırdığı iki ərazini – Narsarsuaq və Mesterviqi müəyyən edir.
