Bakı. Trend:
Futbol üzrə Misli Premyer Liqasının 10-cu turuna yekun vurulub.
Turun sonuncu oyununda “Sumqayıt” doğma meydanda “Şəfa”nı qəbul edib. Qarşılaşma 1:1 hesablı heç-heçə ilə başa çatıb.
“SOCAR Polymer Arena”da keçirilən matçda hesabı 31-ci dəqiqədə qonaqların futbolçusu Musa Quel açıb. Meydan sahibləri 71-ci dəqiqədə Ronaldo Vaskesin qolu ilə hesabı bərabərləşdiriblər.
Görüşün qalan hissəsində tərəflər fərqlənə bilməyiblər və komandalar hərəyə bir xalla kifayətləniblər.
Bu nəticədən sonra “Sumqayıt” 9 xalla turnir cədvəlinin 9-cu, “Şəfa” isə 4 xalla 11-ci pilləsində qərarlaşıb.
Turnir cədvəlinə 21 xalla “Neftçi” başçılıq edir. Bir oyun az keçirən “Sabah” 20 xalla ikinci, “Qarabağ” isə 19 xalla üçüncü yerdədir.
