Bakı. Trend:
Şəhid Elvin Mirzəyevin atası Azadxan Mirəzyev səhhətində yaranmış yaranmış problemlə əlaqədar olaraq, Bakı şəhərində ixtisaslaşmış tibbi müəssisəsində müalicə alıb.
Trend xəbər verir ki, bu barədə Xaçmaz Rayon İcra Hakimiyyəti məlumat yayıb.
Bildirilib ki, Xaçmaz Rayon İcra Hakimiyyətinin başçısı Elnur Rzayev müalicə və müayinələrdən sonra evə buraxılan şəhid atasını ziyarət edib.
İcra başçısı şəhid atasına şəfalarını diləyib, ailənin qayğıları ilə maraqlanıb.
Azadxan Mirzəyev öz növbəsində şəhid ailələrinə göstərilən yüksək diqqət və qayğıya görə Prezident İlham Əliyevə və Birinci vitse-prezident Mehriban Əliyevaya dərin təşəkkürünü bildirib.
Qeyd edək ki, şəhid Mirzəyev Elvin Azadxan oğlu 2016-ci ilin Aprel döyüşlərinində şəhid olub. Bu gün həmdə Elvin Mirəzyevin şəhadətə yüksəldiyi gündür.
