Bakı. Trend:
Ağ Ev rəhbəri Donald Tramp Birləşmiş Ştatlardakı iqtisaid vəziyyət və ticarət balansının kəsiri ilə əlaqədar ölkədə fövqəladə vəziyyət elan edib.
Trend xəbər verir ki, bu barədə Ağ Ev bəyanat yayıb.
“ABŞ Prezidenti bu gün elan edib ki, xarici ticarət və iqtisadi siyasət ölkədə fövqəladə vəziyyətə səbəb olub və onun fərmanı Birləşmiş Ştatların beynəlxalq iqtisadi mövqeyini gücləndirmək və Amerika işçilərini qorumaq məqsədilə cavab rüsumları tətbiq edir”, sənəddə qeyd olunur.
Bəyanata əsasən, davamlı ticarət balansı kəsiri ABŞ-nin istehsal bazasının zəifləməsinə, istehsal güclərinin artırılması üçün stimulun olmamasına, həyati əhəmiyyətli təchizat zəncirlərinin pozulmasına və Amerika hərbi-sənaye kompleksinin "xarici rəqiblərdən" asılılığına gətirib çıxarıb.