Bakı. Trend:
Hindistan Hərbi Hava Qüvvələrinə aid “Jaguar” qırıcısı qəzaya uğrayıb.
Trend xəbər verir ki, bu barədə Hindistan HHQ mətbuat xidməti məlumat yayıb.
Qəzanın təyyarənin göyərtəsində yaranan texniki nasazlıqdan qaynaqlandığı bildirilir.
“Camnaqar aerodromundan havaya qalxan iki yerlik “Jaguar” təyyarəsi gecə uçuşu zamanı qəzaya uğrayıb.
Pilotlar texniki nasazlıqla üzləşiblər və təyyarənin aerodrom və yerli əhaliyə ziyan vurmamasını təmin etməklə katapult əməliyyatını yerinə yetiriblər.
Təəsüflər olsun ki, pilotlardan biri aldığı xəsarətlərdən vəfat edib, ikinci pilot xəstəxanada müalicə olunur”, -deyə məlumatda qeyd olunur.
İnsidentlə bağlı araşdırma başlanılıb.