Bakı.Trend:
Çin Azərbaycanın Şanxay Əməkdaşlıq Təşkilatında aktiv iştirakına ümid edir.
Trend xəbər verir ki, bunu Çinin Kommunist Partiyasının Mərkəzi komitəsinin beynəlxalq əlaqələr bölməsinin rəhbəri Lyu Tzyançao “Azərbaycan – Çin strateji tərəfdaşlığı: Qlobal Cənubda konsolidasiya və əməkdaşlığın təşviqi" mövzusunda keçirilən konfransda etdiyi çıxışda deyib.
“Çin bu il ŞƏT-ə sədrlik edir və təşkilatın zirvə toplantısını ,həmçinin bir sıra başqa tədbirləri təşkil edir. Biz Azərbaycanın iştirakını alqışlayırıq və ölkənin ŞƏT-də bundan da önəmli rol oynayacağına ümid edirik.”, -deyə Lyu Tzyançao bildirib.
O, Azərbaycan və Çin Asiyanın əməkdaşlığa söykənən kompleks təhlükəsizlik konsepsiyasını birgə şəkildə təşviq etməyə davam edir.
“Ötən ilin dekabr ayında Azərbaycan Asiyada Qarşılıqlı Fəaliyyət və Etimad Tədbirləri üzrə Müşavirənin sədri olub. Çin, təsisçi-dövlət olaraq Azərbaycanın bu mexanizmin inkişafında göstərdiyi səyləri - onu daha yüksək səviyyələrə qaldırmaq və region üçün stabil faktora çevirməklə səylərini dəstəkləyir”, - deyə o əlavə edib.
Bundan əlavə, Lyu Cianzhao xatırladıb ki, keçən il Azərbaycan Çin və Qlobal Cənub ölkələrinin fəal dəstəyi ilə mühüm nəticələrin əldə olunduğu COP29-u keçirmişdir.