Bakı. Trend:
Bu ilin yanvar-fevral aylarında Azərbaycan 40,2 milyon ABŞ dolları dəyərində qızıl ixrac edib.
Bu barədə Trend İqtisadi İslahatların Təhlili və Kommunikasiya Mərkəzinin açıqladığı “İxrac İcmalı”nın mart sayına istinadən xəbər verir.
Məlumata görə, bu, ötən ilin eyni dövrü ilə müqayisədə 33,3 milyon ABŞ dolları və ya 5,9 dəfə çoxdur.
Belə ki, 2024-cü ilin ilk iki ayı ərzində Azərbaycandan 6,8 milyon ABŞ dolları dəyərində qızıl ixrac edilib.
Qeyd edək ki, 2025-ci ilin yanvar-fevral aylarında Azərbaycanın qeyri-neft sektoru üzrə ixracı 2024-ci ilin müvafiq dövrü ilə müqayisədə 6,6% artaraq 485 milyon ABŞ dolları təşkil edib.