Bakı. Trend:
2024 YR4 asteroidinin Yerin təbii peyki olan Ayla toqquşma ehtimalı müəyyən qədər artıb.
Trend xəbər verir ki, bu haqda NASA məlumat paylaşıb.
Arzuolunmaz hadisə 2032-ci ildə baş verə bilər.
“Agentliyin ekspertləri Ceyms Uebb orbital teleskopundan və Yerdəki rəsədxanalardan əldə olunan məlumatları təhlil etdikdən sonra 2024 YR4 asteroidinin 2032-ci ilin dekabr ayından Ayla toqquşma ehtimalını 1,7 faizdən 3.8 faizə qaldırıb. Asteroidin Aydan yan keçəcəyi ehtimalı isə 96.2 faiz təşkil edir”.
2024 YR4 asteroidinin keçən ilin dekabr ayının sonunda Çilidə fəaliyyət göstərən Atlas teleskopları şəbəkəsindən biri tərəfindən kəşf edildiyi bildirilir.
Astronomların hesablamalarına görə, bu asteroid 2032-ci il dekabrın 22-də Yerə yaxınlaşa bilər.
