Bakı. Trend:
Bu ilin mart ayında “Google Chrome” internet brauzeri Azərbaycan istifadəçiləri arasında populyarlığına görə liderliyini qoruyub saxlayıb.
Trend-in “Global Stats” Statistika Mərkəzindən əldə etdiyi məlumata görə, onun yerli bazar payı əvvəlki ayla müqayisədə 0,63 faiz bəndi azalaraq 78,16 faiz təşkil edib.
Dövr ərzində Azərbaycan bazarında “Safari” internet brauzerinin payı 10,88 faiz (0,18 faiz bəndi artım) təşkil edib.
Hesabat dövründə “Samsung” internet brauzerinin bazar payı 0,03 faiz bəndi azalaraq 3,79 faiz təşkil edib.
Siyahıda növbəti pillədə “Opera” internet brauzeri qərarlaşıb. Belə ki, bu internet brauzerinin Azərbaycanda bazar payı 0,03 faiz bəndi azalaraq 2,39 faiz təşkil edib.
Dövr ərzində “Edge” internet brauzerinin payı 0,07 faiz bəndi azalaraq 1,68 faiz, “Yandex”in payı isə 0,1 faiz bındi artaraq 1,6 faiz olub.
Bu ilin martında “Firefox” internet brauzerinin payı 0,18 faiz bəndi artaraq 0,93 faiz təşkil edib.
Qeyd edək ki, Azərbaycan bazarında digər internet brauzerlərinin ümumi payı 0,57 faiz təşkil edib.