Bakı. Trend:
Azərbaycan Kubokunda bu gün yarımfinal mərhələsinin ilk oyunları keçiriləcək.
Trend xəbər verir ki, əvvəlcə meydana "Araz-Naxçıvan" və "Qarabağ" komandaları çıxacaq.
"Liv Bona Dea Arena"da təşkil olunacaq matç saat 17:00-da başlayacaq.
Görüşü FIFA referisi Elçin Məsiyev idarə edəcək.
Günün digər qarşılaşmasında “Neftçi” “Sabah”ı qəbul edəcək. Oyunun start fiti saat 19:30-da səslənəcək. Bu matçda ədaləti Əliyar Ağayev qoruyacaq.
Qeyd edək ki, bu raundun cavab oyunları aprelin 23-də baş tutacaq.