Bakı. Trend:
Cari ilin fevral ayının sonuna olan məlumata görə, Azərbaycanda fəaliyyət göstərən banklar tərəfindən sənaye sahəsinə verilmiş biznes kreditlərinin həcmi 2,702 milyard manat olub.
Trend bu barədə Azərbaycan Mərkəzi Bankından məlumat əldə edib.
Məlumata görə, bu göstərici yanvarın sonu ilə müqayisədə 12 milyon manat və ya 0,44% çoxdur. Belə ki, yanvar ayının sonunda Azərbaycandakı banklar tərəfindən sənaye sahəsinə verilmiş kreditlərin həcmi 2,690 milyard manat idi.
Qeyd edək ki, fevralın sonunda Azərbaycanda fəaliyyət göstərən bankların biznes kredit portfelinin həcmi 14,777 milyard manat təşkil edib.
Bankların biznes kredit portfeli yanvar ayının sonu ilə müqayisədə 0,5% və ya 68 milyon manat artıb.
Yanvarın sonunda bankların biznes kredit portfelinin həcmi 14,709 milyard manat olub.