Azərbaycan, Bakı, 18 noyabr /Trend/
İndoneziyada Sinabunq və Merapi vulkanları fəaliyyətə başlayıb.
Trend-in "Anadolu" agentliyinə istinadən verdiyi məlumata görə, rəsmilər Şimali Sumatra bölgəsində yerləşən 2600 metr hündürlüyündəki Sinabunq vulkanının 8 min metrə qədər kül püskürtdüyünü bildiriblər.
Sinabunq 3 illik sakitlikdən sonra sentyabrdan bu yana müəyyən fasilələrlə fəaliyyətə başlayıb.
Yava adasının orta hissəsində yerləşən və İndoneziyanın partlamağa ən hazır vulkanı Merapinin də 2 min metrə kül püskürtdüyü, bölgədə 600 ailənin mümkün təxliyəsi üçün hazırlıq görüldüyü bildirilir.
Ölkənin müvafiq qurumları bütün aviaşirkətlərə vulkanətrafı ərazilərdəki marşrutlardan çəkinməyə çağırıb.